حب نفسك اغنية 2021 مصطفى النفياوي
حب نفسك اغنية 2021 مصطفى النفياوي

مصطفى النفياوي واجهت صعوبات كبيرة عشان دخلت الفن واللي كرهوني اكتر من اللي حبوني

احنا كفريق عمل بيشتغل مع الفنان مصطفى النفياوي حبينا نعمل لقاء حصري لملفات فقط فكرة واعداد ندا اباظة

في البداية واول سؤال خطر في بالنا ليه اسم “النفياوي” الصعب ده

رد الفنان: اسم النفياوي يعود لاسم عائلتي بعد الرباعي والاسم مش موجود في البطاقة الرسمي “مصطفى يوسف” بس حسيته اسم متكرر كتير زي باسم يوسف واسماء كتير مش هتديني فرصة للظهور ما بينها بسرعة بقدر اختياري لاسم غريب حتى لو صعب وكفاية ان وشه دائما حلو عليا

رد النفياوي: عامة انا بختار الاسم “النفياوي” في اعمالي الوطنية واللي كانت بتخص الجالية المصرية سابقا فكنت نائبا لرئيس اتحاد المصريين في السعودية ومؤسس اكبر صفحة للعاملين بالخارج على مستوى العالم وعندما اختارت نفس الاسم في الفن ربنا وفقني بجمهور كبير يقدر حجم شغلي

وشه كان حلو عليك في ايه؟

تفتكر ده كفاية عشان تغني؟ انك تحقق رضاء للجمهور من غير ما تكسب؟

النفياري: انا بقدم فن بيتقال مش هينفع في افراح ولا حفلات عادي بس انا بتسمع اونلاين وبحقق مكسب من المشاهدات على قنواتي وحققت ارباح لا باس بها من الاعلانات على قدر الميزانية التسويقية اللي بحطها لكل اغنية

ليه ماشتغلتش مع حد تاني؟

النفياوي: في ايه؟؟؟

الكتابة، التلحين، حد تاني يسوقلك، ينتجلك، ليه كل حاجة بتعملها لوحدك مش يمكن ده مأخرك؟

النفياوي: اولا انا برج العذراء ومعروف باني عنيد وده عيب او ميزة مش انا اللي هحكم عليها بس ادائي باين قدام الناس.. انا راضي جدا على الكتابة بتاعتي ومش لاقي كلمات تانية تنفع معايا، وحاولت اعرض كلماتي على فنانين كبار اتكبروا وفي منهم هاجمني وبالنسبة للانتاج انا بصرف من جيبي وبالتاكيد لو في حد عجبه صوتي كان هيعرض عليا بس ده مش مهم بالنسبة ليا لاني قادر انتج وبكسب الحمدلله عشان عندي اصرار اللي هو بيتشاف عند في بعض الاوقات ☺️

لما بدأت تتعرف في ناس حاولت تقرب منك كانت بعيدة؟

النفياوي: كتير جدا بس اللي كرهوني كانوا اكتر يمكن عشان كل يوم بشتغل على نفسي بدون ما حد يعلمني وربنا بيحبب خلقه فيا بدون سبب او لسبب زي الكتابة او الالحان او ادائي بس مش انا اللي هقول ده، دي للجمهور

غنيت اغنية لمصر حبا فيها ولا تطبيل؟ ☺️

حبي لمصر معروف من زمان وكنت منسق لحملة الرئيس عبدالفتاح السيسي في المنطقة الشرقية السعودية وليا تاريخ معروف خلال فترة عملي بالخارج وعلى الرغم من ذلك لم اذكر اسم سيادة الرئيس في الاغنية لانه اكبر من ده والله يكون في عونه على الحِمل اللي هو فيه

قولت جيشها حاميها ده مش تطبيل؟

الحقيقة عمرها ما كانت تطبيل والجيش هو اللي واقف على الحدود ومن غيره كان زمان مصر اتقسمت لمليون قطيع

درست مزيكا قبل كدة او اي حاجة او حد علمك؟

مافيش حد ساعدني غير جمهوري اللي حب اعمالي وربنا بس بالعكس الناس المشهورة اصحابي الفنانين والمعارف اللي اعرفها كلهم هربوا وش مني وده فرحني اكتر لاني ايقنت اني اصبحت في ملعبهم وهنا انا اللي لازم اطلع لوحدي زي ما كل واحد فيهم تعب وطلع مش عيب المهم اني اكدت فني في الوسط 😍

ايه سبب فرق المستوى في الاداء من البداية لحد دلوقتي اتدربت؟

اللي غنيته حاليا زي عايشين ورغم الوداع وضحكة تايهة ومصر الجميلة هو اللي كان نفسي اعمله من الاول بس التوزيع بيفرض رؤيته احيانا في الفكرة وممكن ينصحني بان الطريقة دي عادية او قديمة واكيد راضي عن اي شغل انا قدمته سواء في البداية او الان المهم عندي انه مش اسفاف او كلام غلط وكل اعمالي وكتاباتي والحاني موثقة في المصنفات الفنية

فكرت تقدم في النقابة؟

النفياوي: لا لاني عارف ان الاغاني بتاعتي مش بتتطلب زي المهرجانات

انت مواليد كم؟

النفياوي: ٢٠ سبتمبر ١٩٨٠

متجوز؟

النفياوي: منفصل الحمدلله

بتفكر في الارتباط؟

النفياوي: مخصوم منك ٣ ايام يا ندا

كتبها ندا اباظة

مديرة اعمال النفياوي 🙁